Revista “Zani i Naltë” është një ndërmarrje e projektuar nga njerëz të mëdhenj, nga atdhetarë e ulema vizionar e largpamës, të cilët me punën e tyre dhanë kontribut të çmuar në shpjegimin e mësimeve të fesë islame drejtë dhe saktë.”Zani i Naltë” u bë boshti kryesor i përhapjes së dijeve dhe mendimeve islame.”Zani i Naltë” jo vetëm që nxori edhe rriti shumë pena të spikatura, por edhe la gjurmë të rëndësihsme në shkencat islame, dhe promovoi personalitete të ngritur me kapacitete të lartë shkencore. Në revistën “Zani i Naltë” kontribuan personalitete të shquara si H.Vehbi Dibra, Hafiz Ismet Dibra, Hafiz Ali Korça, Jonuz Bulej, Haki Sharofi, Ferit Vokopola, Qazim Hoxha etj. Përmbajtja e revistës dëshmon për pasurinë e rubrikave, të përhershme të rastit, që janë tregues i një matriali të pasur, i një infromacioni të gjerë i shkencave fetare edhe shkencave filozofike, morale, e sociologjike. Në këtë punim do të theksojmë kontributin e disa dijetarëve në shkencën e tefsirit dhe metodologjinë e Hafëz Qazim Hoxhës në shkencën e Kur’anit (Tefsirit).