Ballkani nё kёtё periudhё veç se ishte futur nё kuadёr tё Perandorisë Osmane. Osmanët qysh në periudhat e mëhershme e kishin konsoliduar pushtetin e tyre në këto zona, mirëpo ky teritor, që për Perandorinë Osmane ishte tejet i rëndësishëm, kohë pas kohe dinte të ishte edhe problematik, dhe jo rrallë herë, popujt e kësaj zone ngriteshin në kryengritje kundër pushtuesve të këtyre zonave. Ballkani, dhe popujt ballkanikë, kanë qenë pjesë e rëndësishme e Perandorisë Osmane, duke e ditur faktin që shumë persona nga zonat ballkanike kanë shërbyer në administratën osmane, krejt kjo falë njohjes së pushtimit osman kohë më parë Kryengritjet e viteve të 30-ta të shekullit XIX fillojnë pikërisht për shkak të humbjes së privilegjeve të aspektit ekonomik e administrativ që shqiptarët kishin në kuadër të perandorisë. Një gjë e tillë çoi në realizimin e kryengritjeve, të cilat u theksuan që nga viti 1833 deri në vitin 1839. Ani pse suksesi i tyre është në nuanca mjaft të vogla, këto kryengritje u shpërfaqën si lëvizje të para të organizuara dhe të armatosura kundër administratës osmane, me qëllim të rifitimit të privilegjeve të humbura, gjë që vërehet edhe në kërkesën e kryengritësve. Suksesi i këtyre kryengritjeve varet realisht nga aspekti koordinues, i cili, për fat të keq, për të mos thënë që ka munguar totalisht, ishte mjaft i mangët.